مخپاڼه / چاڼ سوي مضامین / اسلامي لارښووني

اسلامي لارښووني

اسلامي لارښووني

ليکنه: عمر بن موسى الحافظ

ژباړه: مولوي شبير احمد

درنو لوستونکو!

ځيني هغه عبادات او کړني چي يو مسلمان يې بايد د کال په جريان کي د خپل وس سره سم ترسره کړي، درته ښيو تر څو د دنيا او آخرت د ګټو څخه بې برخي پاته نه سي.

١ – زده کړه يا علم:

ا –  هره ورځ يو آيت د تفسير سره يادول.

ب – هره اوونۍ يو حديث شريف يادول.

ج – هره ورځ لږ تر لږه يو اسلامي کتاب پنځه صفحې لوستل.

٢ – نفلونه:

ا – هره مياشت درې ورځي روژې نيول (صيام ايام بيض).

ب – د شپې لمونځ (تهجد) کول.

ج – د قبرونو زيارت کول.

٣ – صله رحمي او ګاونډيان:

ا – د خپلوانو او قريبانو نوملړ ليکل او په اوونۍ کي اړيکه (د تليفون يا ملاقات له لاري) ورسره نيول.

ب – د يوه ګاونډي سره اوونيز مجلس کول.

ج : د ګاونډيانو په خوښيو او غمونو کي د خپل وس سره سم ګډون کول.

٤ – د ماشومانو تربيه:

ا – د ماشومانو سره اوونيزه ناسته او د يوه آيت کريمه يا حديث شريف او يا هم د صحيح ذکر د معنا په اړه فکر کول.

ب – ماشوم يا ماشومي ته يو مناسب مهارت د هغه جنس سره سم ښوول که څه هم په مياشت کي يو ځل وي.

ج – ماشومانو ته د احسان او صدقې کولو ښوونه کول او دوى دې کار ته هڅول که څه هم په مياشت کي يو ځل وي.

اسلامي لارښوني۱

٥ – د الله جل جلاله  و لوري ته دعوت:

ا – يوه رساله، کتاب او يا هم يو اسلامي ثبت (لکه: ترجمه، اصلاحي بيان او داسي نور…) و اړ کس ته ورکول.

ب – د اسلام څخه ناخبره و اسلام ته را دعوتول که څه هم په مياشت کي يو ځل وي، يا دا چي کور ته يې راولې او اسلام ورته تشريح کړې.

ج – د اصولو او قواعدو سره سم خلک په نيکو امر کول او له بديو څخه راګرځول (الامر بالمعروف والنهي عن المنکر).

٦ – صدقه کول:

ا – مياشتنى مبلغ ټاکل که څه هم لږ وي او پر فقيرانو او مسکينانو وېشل.

ب – د اسلامي سرچينو سره مرسته کول (لکه: مدرسې، اسلامي رسنۍ، علماء، اسلامي داعيان، طلباء او داسي نور) که څه هم لږ وي تر څو په هر خير کي برخه ولرې.

ج – تحفې او هديې ورکول که څه هم ښکاره نه وي.

٧ – د ناوړو خويونو څخه خلاصون:

ا – غيبت او چغلګري.

ب – د سندرو اورېدل.

ج – د ډارمو او فلمونو له پاره شپې رڼول.

د – د مېرمني پر پردې (حجاب) او جامو باندي ټينګار نه کول (چي د شريعت څخه خلاف وي).

هـ – نشه کول (لکه: سګرېټ، نسوار، چرس او داسي نور)

٨ – په خپل کار او دنده کي پرمختګ کول:

ا – د خپل مسلک اړوند هره ورځ څو صفې لوستل تر څو په خپل مسلک کي مهارت او تخصص ترلاسه کړې.

ب – په خپل کار کي د نوي څېړني او تخصص په اړه خبرتيا ورکول يا ورپېژندل که څه هم په اوونۍ کي يو ځل وي.

ج – په خپل کاري ډګر کي د ټولو ملګرو سره اخلاص کول او پر نېکۍ او تقوا باندي مرسته ورسره کول.

٢٧ – ١١ – ١٤٣٧ هـ ق

سه شنبه – ٠٤:٣٠ ماپښين

مأخذ: نداء القرآن مجله

دغه هم وګوری

د رشوت احکام

دايوڅرګنداومنل سوى حقيقت دى چي رشوت اخيستل اووركول حرام دي ځكه رسول الله صلی الله …