مخپاڼه / دسپیڅلي لارې لارویان / د عمر رضی الله عنه د خپلي بي بي منعه د مشکو دتللو څخه

د عمر رضی الله عنه د خپلي بي بي منعه د مشکو دتللو څخه

د عمر رضی الله عنه د خپلي بي بي منعه د مشکو دتللو څخه

 

د حضرت عمر رضی الله عنه و حضور ته يو ځل د بحرين څخه مشک راغله نو عمر رضی الله عنه وويل: څوک دا مشک تلي؟ چي پر مسلمانانو باندي يې وويشو دده بي بي حضرت عاتکې رضی الله عنها وويل: چي زه به يې وتلم ده مبارک واورېدل او چوپ سو لږ ساعت وروسته يې بيا وويل: چي څوک به يې وتلي؟ تر څو پر مسلمانانو يې وويشو.

دې مبارکي وويل: چي زه به يې وتلم عمر رضی الله عنه  بيا چوپ سو دريم ځل يې وويل: چي زه دا نه خوښوم چي ته خپل لاسونه د ترازو په پله کي کښېږدې او په مشکو يې ولړې او بيا هغه لړلي لاسونه پر بدن وموږي او ماته په دغه اندازه زياتوب حاصل سي.

فايده: داد حضرت عمر رضی الله عنه کامل احتياط و او خپل ځان يې د تهمت څخه خلاصوى که نه نو څوک چي تلل کوي د هغه لاسونه به خامخا لړل کيږي ددغه لږ اندازې په روا والي کي هيڅ شک نسته خو بيا هم ده مبارک خپلي بي بي ته دا خوښه نه کړه.

حضرت عمر بن عبدالعزيز  چي عمر ثاني هم ورته وايي ده په خپل وخت کي يو ځل مشک تلل نو پوزه يې وتړل او وې ويل چي د مشکو ګټه  ښه بوى دئ (يعني زه نه غواړم چي دغه گټه تر نورو ماته زياته ورسيږي ).([1])

فايده: دا داصحابو کرامو رضی الله عنهم، تابعينو(رحمة الله عليهم)، او زموږ د مشرانو اورهبرانو احتياط و.

 

([1] ) احياء

دغه هم وګوری

د حضرت ابوبکر صديق، حضرت ابن زبير، حضرت علي او نورواصحابو(رض) د لمونځونو حالات

مجاهد رضی الله عنه د حضرت ابوبکر صديق، او حضرت عبدالله بن زبير رضی الله …