مخپاڼه / سیرت نبوی / حضرت محمد(ص) دلومړيو او وروستيو سردار دئ(۱)

حضرت محمد(ص) دلومړيو او وروستيو سردار دئ(۱)

حضرت محمد(ص) دلومړيو او وروستيو سردار دئ

تر ټوله بشريت غوره انسان او ترټولو انبياؤ(ع) وروستى پيغمبر ،چي دنبوت سلسله پرده باندي پاى ته رسېدلې ده حضرت محمد(ص) دئ او دمرتبې له مخي پرټولو انبياؤ(ع) باندي لوړ پيغمبر دئ ، الله(ج) دنبوت سلسله پر حضرت محمد(ص) باندي پاى ته ورسول او دقرآنکريم په نازلېدو سره دوحي لړۍ نوره پاى ته ورسېدل ځکه الله(ج) فرمايي :

مَا كَانَ مُحَمَّدٌ أَبَا أَحَدٍ مِنْ رِجَالِكُمْ وَلَكِنْ رَسُولَ اللَّهِ وَخَاتَمَ النَّبِيِّينَ وَكَانَ اللَّهُ بِكُلِّ شَيْءٍ عَلِيمًا ([۱])

ژباړه : نه دئ محمد(ص) پلار دنارينوو څخه ستا سو مګر دالله(ج) رسول دئ اوآخر دپيغمبرانودئ اوالله(ج) پرهر شى باندي ښه عالم دئ.

که څه هم دحضرت محمد(ص) پر نورو انبياؤ(ع) باندي دغوره والي او افضليت لپاره زيات دلائل سته خو ترټولو ستر دليل يې دادئ ،چي الله(ج) ټولو انبياؤ(ع) ته امر کړى دئ ،چي که ستاسو په ژوند حضرت محمد(ص) ولېږدول سو تاسو به ايمان پر راوړئ ، مرسته به يې کوئ او ټوله به يې تابعداران جوړېږئ لکه ،چي الله(ج) فرمايي :

وَإِذْ أَخَذَ اللَّهُ مِيثَاقَ النَّبِيِّينَ لَمَا آتَيْتُكُمْ مِنْ كِتَابٍ وَحِكْمَةٍ ثُمَّ جَاءَكُمْ رَسُولٌ مُصَدِّقٌ لِمَا مَعَكُمْ لَتُؤْمِنُنَّ بِهِ وَلَتَنْصُرُنَّهُ قَالَ أَأَقْرَرْتُمْ وَأَخَذْتُمْ عَلَى ذَلِكُمْ إِصْرِي قَالُوا أَقْرَرْنَا قَالَ فَاشْهَدُوا وَأَنَا مَعَكُمْ مِنَ الشَّاهِدِينَ ([۲])

ژباړه : کله ،چي الله(ج) دانبياؤ(ع) څخه وعده واخيسته پر هغه څه باندي ،چي تاسو ته مي کتاب او علم درکړى دئ اوبيا به تاسو ته يو رسول (حضرت محمد(ص)) راسي ستاسو دکتابونو تائيد به کوي تاسو به خامخا پر ده باندي ايمان راوړئ او خامخا به يې مرسته کوئ ، الله(ج) وفرمايل : ايا تاسو اقرار کوئ؟ او  تاسو زما سره ټينګه وعده کوئ ؟ دوى وويل : موږ اقرار کوو ، الله(ج) وفرمايل : شاهدان سئ او زه هم ستاسو سره دشاهدانو څخه يم .

رسول الله(ص) دخپل لوړوالى او پر انبياؤ(ع) دبرترۍ په اړه فرمايي:

……………أَلَا وَأَنَا حَبِيبُ اللَّهِ وَلَا فَخْرَ وَأَنَا حَامِلُ لِوَاءِ الْحَمْدِ يَوْمَ الْقِيَامَةِ وَلَا فَخْرَ وَأَنَا أَوَّلُ شَافِعٍ وَأَوَّلُ مُشَفَّعٍ يَوْمَ الْقِيَامَةِ وَلَا فَخْرَ وَأَنَا أَوَّلُ مَنْ يُحَرِّكُ حِلَقَ الْجَنَّةِ فَيَفْتَحُ اللَّهُ لِي فَيُدْخِلُنِيهَا وَمَعِي فُقَرَاءُ الْمُؤْمِنِينَ وَلَا فَخْرَ وَأَنَا أَكْرَمُ الْأَوَّلِينَ وَالْآخِرِينَ وَلَافَخْر ([۳])

ژباړه : خبردار اوسئ ! زه دالله(ج) دوست يم مالره دي فخر نه وي ، دقيامت په ورځ باندي دحمد دبيرغ وړونکى زه يم مالره دي فخر نه وي، دقيامت په ورځ باندي لومړى شفاعت کونکى زه يم مالره دي فخر نه وي، زه لومړى هغه څوک يم ،چي دجنت ددروازې حلقه به ښوروم  الله(ج) به دجنت دروازه راخلاصوي او زما سره به مسکينان مؤمنان راسره وي مالره دي فخر نه وي او زه غوره دلومړيو او وروستيو انسانانو يم مالره دي فخر نه وي.

په بل ځاي كي راځي :

عن ابن عباس قال : ان الله فضل محمداe علي الانبياء وعلي اهل السمآء .([۴])

ژباړه : ابن عباس (رض) فرمايي : الله(ج) حضرت محمدe پرټولو انبيآؤ اوداسمان پراوسېدونكو بهتر ګرځولى دئ .

[۱] :  سورة الاحزاب الاية ٤٠

[۲] : سورة آل عمران الاية ٨١

[۳] : َقَالَ أَبُو عِيسَى هَذَا حَدِيثٌ غَرِيبٌ ترمذي باب فضيلة النبي/ ج : ١٢ ص : ٦٢ ط : المکتبة الشاملة

([۴] ) الدارمي . رقم (۴٧)

ــــــــــــــــــــــــــــــــــــــــــــــ

راتلونکې برخه :

حضرت محمد(ص) دلومړيو او وروستيو سردار دئ(۲)

 

 

دغه هم وګوری

18د سپېڅلي پیغمبر (ص) سپېلی ژوند

دعبدالمطلب اولادونه

دعبدالمطلب اولادونه عبدالمطلب لس زامن او شپږ لوڼي درلودې ،چي نومونه يې په لاندي ډول …

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *