مخپاڼه / ځانګړي مطالب / دمیلاد لمانځلو اثبات یا رد ، نبوي محبت دئ؟

دمیلاد لمانځلو اثبات یا رد ، نبوي محبت دئ؟

یوه عاجزانه هیله ده ، لطفا تر نورو یې هم ورسوئ!
زما داسلام او عقېدې وروڼو!
دمیلاد لمانځلو اثبات یا رد ، نبوي محبت دئ؟، که د نفس بندګي ده؟ او که د یوه لوی شر دروازه خلاصول دي؟
لږ حوصله وکړئ ! لطفا تر پایه یې ووایاست:
علماوو ته نه وایم هغوی ټول تر ما پوه دي عوامو ته وایم:
۱: هغي ډلي ته وایم چي دمیلاد لمانځل ثابتوي چي تاسو دمیلاد ثابتونکو علماوو څخه څو پوښتني وکړئ:
الف: محترمو علماوو ! ایا میلاد لمانځل فرض دي؟
ب: ایا میلادلمانځل واجب دي؟
ج: که څوک میلاد لمانځي او هغسي بدعات پکښي کوي لکه دپاکستان او هندوستان برېلویان ایا دغسي لمانځل جایز دي؟
حتما به دغه مولوي صاحبان درته ووايي: میلاد لمانځل نه دي فرض او نه واجب دي بلکي مستحب او افضل کار دئ. بدعات پکښي کول حرام دي صرف خیرات وکړئ یوه دیني غونډه وکړئ، نبوي سنتو ته خلک راوبلئ.
۲: هغي ډلي ته وایم چي میلاد لمانځل ردوي: تاسو دمیلاد ردونکو علماوو څخه لاندي پوښتنه وکړئ:
الف: که څوک میلاد لمانځل فرض نه بولي، واجب یې نه بولي، بدعات او شرکیات نه پکښي کوي صرف ددې لپاره چي خلک په نورو ورځو دعوت اورېدلو ته نه راځي په دې ورځ باندي یې راجمع کړل سي اویا په نورو ورځو باندي خیراتونه نه کوي په دې ورخو باندي خیراتونه وکړي داسي کار جایز دئ؟
هغوی به خامخا درته ووايي: بالکل جایز دي په دې کي خو هیڅ تاوان نسته؟
که پورته خبرو ته وکتل سي ، نفس پرستي شا ته سي دعدل او انصاف په سترګه ورته وکتل سي حتما به داخبره معلومه سي چي مخالفت بیخي نسته او یا هم ډېر لږ دئ.
ښه نو دلیري والي مشکل چشي دئ؟
لومړی لامل: هغه کسان چي میلاد لمانځل ردوي هغه کتابونه یې مطالعه کړي دي کوم چي پاکستاني او هندي علماوو دخپلو همجوارو برېلویانو د رد لپاره لیکلي دي حال داچي یادو علماوو چي کوم میلاد یاد کړی دئ هغه میلاد دبرېلویانو دئ چي په خرپ بدعات او خرافات پکښي دي.
دوهم لامل: عام خلک دعلماوو دخبرو ناسم تعبیر کوي دیوه عالم خبري بل عالم ته په ناسم ډول رسوي هغه دې ته اړ کړي چي عکس العمل وښيي.
داسي کړني دخطر زنګ دئ:
که وګورو په پاکستان کي په لسګونه زره خلک ددغو فرقیزو شخړو قرباني سوه دا نه ده معلومه چي کوم یې غازي وو او کوم یو یې شهید وو؟
دپاکستان په سنهد او سرحد ایالتونو کي خلکو یو دبله کورونه پر دغو مسائلو باندي سره وسوځل حتا کلي یې سره وسوځل خو دغم ، تاوان او افسوس پرته یې بله کومه پایله نه ده لرلې، داخرت حساب خو لا بېل دئ.
الحمد لله په افغانستان کي دغه فرقیز مخالفتونه تر دې مهاله نسته خو دنیاوال غواړي چي دا ویر هم زموږ کور ته راوړي نور خو یې ټول غمونه راوړي دي.
او که دا دمخالفتونو لړۍ همداسي روانه دغه ویر به افغانستان ته راځي بیا به لفظي مخالفتونه په فزیکي مخالفتونو بدلیږي، او فزیکي مخالفتونه به تر قتلونو رسیږي ، افغانستان چي څومر کړېدلی دئ نور به هم کړيږي او مسؤل به دغه کسان وي چي ساده پر یوه مستحب شی باندي کلک ولاړ دي او بل څوک یې په رد کي کلک ولاړ دئ بیا به عام خلک په دې اور کي سوځي.
دخدای روی ته وګورئ! په دې هیواد کي عیسویت ته تبلیغ کیږي، دا حنفي مذهبه هیواد دئ داسي کسان سته چي حنفي مذهبه خلک کافران بولی؟ دلته په دیني شعائرو خلک پسخند وهي، دلته حرام کارونه خلک حلال بولي، دلته، فرض کارونه خلک فرض نه بولي، دلته دعریانیت لپاره کار کیږي حتا خلک دهریت او الحاد ته په ښکاره بلل کیږي هره ورځ په پښتو او درې ژبو په خواله رسنیو کي دعیسویت لپاره پوسټونه کيږي، د دهریت لپاره پوسټونه کیږي، دالحاد لپاره پوسټونه کیږي ، دحنفيت د له منځه وړلو لپاره پوسټونه کیږي ، دسیکولیزم لپاره پوسټونه کیږي، دلته په علانیه د لامذهیت لپاره اعلانونه کیږي او دا وايي: هر څوک چي بحث کوئ راسئ! زموږ سره مناظره وکړئ ، دلادینیت لپاره په ښکاره اعلانونه کیږي.
په تاسف او تاسف باید ووایم چي دیادو کارونو سره دمخالفت لپاره هیچا ږغ نه دئ پورته کړی د یوه مستحب کار لپاره یا دیوه جایز کار لپاره یو دبله کلک ولاړ دي دلایل سره ووايي، تاسو یې شاهدان هغه کسان چي میلاد لمانځل مستحب بولي هغه به یې اخر دکلک مخالفت په وجه واجب بولي او جایز وا لا به یې حرام بولي بیا به اخر یو دبله سره کافران کوي او اخر به هره ډله خپل پیراوان دبل په مقابل کي دفزیکي یرغل لپاره تشویقوي بیا به دا ناورین دګنډلو نه وي.
اوس لا سري وخت دئ راسئ ! سره نژدې سئ، یوه دبله محبت سره وکړئ ، خبري سمي سره تعبیر کړئ، که دچا زړه غواړي میلاد دي دبدعاتو خلاص ولمانځي الله جل جلاله به ثواب ورکړي او که یې زړه نه غواړي خپل کاروبار دي وکړي هیڅ ګناه ورباندي نسته.
ستاسو ورور
ع حماد، حمادیه مدرسه ، قندهار
۱۱\۳\۱۴۳۸ ه ق

دغه هم وګوری

قسم اخيستل او مسائل يې

قسم اخيستل او مسائل يې د قسم په اړه مهم خبره دا ده چي قسم …

7 تبصیری

  1. Excellent beat ! I would like to apprentice whilst you amend your website, how could i subscribe for a weblog website? The account helped me a applicable deal. I were tiny bit familiar of this your broadcast provided bright clear idea

  2. Substance Abuse Treatment

    Drug Counseling Near Me http://aaa-rehab.com Drug Rehab Centers Near Me http://aaa-rehab.com Intervention Alcohol Abuse
    http://aaa-rehab.com

  3. The most butterfly PDE5 viscosity Cialis prescription Protections with Halloween accept such

  4. I’m really enjoying the theme/design of your website. Do you ever run into any browser compatibility issues? A number of my blog readers have complained about my site not operating correctly in Explorer but looks great in Chrome. Do you have any solutions to help fix this issue?