د کورونا ویروس اړوند د علماوو څخه غوښتنه

د کورونا په اړه لاندي خبري اړيني بولم لطفا تاسو يې ډ ټولو سره شريکي کړئ:
۱: کورونا او داسي نور ويروسونه پخوا هم وه چي د وباء په نوم يې خلک وژل او خورا لويه تباهي به يې جوړه کړه په کومه سيمه کي چي دغه ناروغي ګډه سي د هغي سيمي څخه تيښته کول شرعا جايز نه دي په حديث کي يې منع راغلې ده. عقلي دليل هم لري چي ممکن ياد کس په ناروغۍ اخته سوی وي او دده په وجه نورو سيمو ته ناروغي انتقال سي نور دلايل هم لري.
۲: داچي هر څه الله جل جلاله کوي پر دې پوره باور لرل خو د ځان ساتني چي کوم تدابير دي هغه ټول په کار اچول.
۳: عام خلک د کرونا د مخنيوي په موخه د علماوو څخه د دعا لپاره ديوې لويي غونډي غوښتنه کوي اصل خبره داده چي دداسي پيښو په اړه د رسول الله صلی الله عليه وسلم څخه دلوی غونډي رابللو او اجتماعي دعا کولو ثبوت نشته او نه هم د مذهب په کتابونو کي دداسي غونډي کومه طرح سته سره ددې چي وبايي عام وژونکي ناروغۍ د تاريخ په اوږدو کي خورا زياتي ضبط سوي دي. سره ددې چي که څوک دغسي غونډه او اجتماعي دعا د التزام په نيت نه کوي منع يې هم نسته
۴: دداسي عامو بلاوو دپېښېدو په صورت کي د قنوت نازله ويل ښه بلل سوي دي، د خپلو علماوو او امامانو څخه د غونډي پر ځای دسهار په لمانځه کي د قنوت نازله ويل وغواړئ.
۵: د قنوت نازله ويل په داسي ډول دي چي دسهار د لمانځه د دوهم رکعت څخه امام پورته سي سمع الله لمن حمده به ووايي بيا به په ولاړه قنوت نازله شروع کړي مقتدی به کرار کرار امين آمين وايي او لاسونه به پر نامه ونيسي. پاته لمونځ به دپخوا په څېر وکړي.
۶: همدا ډول د حاجت لمونځ، دعا ، صدقه او استغفار دداسي ناروغيو د پېښېدو په صورت کي ګټمن کارونه بلل سوي‌ دي.
۷: د قنوت نازله الفاظ په لاندي ډول دي:
اللّٰہمَّ اھْدِنَا فِیْ مَنْ ھَدَیْتَ، وَعَافِنَا فِیْ مَنْ عَافَیْتَ، وَتَوَلَّنَا فِیْ مَنْ تَوَلَّیَتَ، وَبَارِکْ لَنَا فِیْ مَا أَعْطَیْتَ، وَقِنَا شَرَّ مَا قَضَیْتَ، فَاِنَّکَ تَقْضِیْ وَلَا یُقْضیٰ عَلَیْکَ، اِنَّہ لَا یَعِزُّ مَنْ عَادَیْتَ، وَ لَا یَذِلُّ مَنْ وَّالَیْتَ، تَبَارَکْتَ رَبَّنا وَتَعالَیْتَ۔ اَللّٰہُمَّ اغْفِرْلَنَا وَلِلْمُوٴْمِنِیْنَ وَلِلْمُوٴمِنَاتِ وَالْمُسْلِمِیْنَ وَالْمُسْلِمَاتِ، وَ أَصْلِحْھُمْوَ أَصْلِحْ ذَاتَ بَیْنِہِمْ، وَ أَلِّفْ بَیْنَ قُلُوبِھِمْ وَاجْعَلْ فِیْ قُلُوْبِھِمُ الْاِیْمَانَ وَالْحِکْمَةََ، وَثَبِّتْھُمْ عَلیٰ مِلَّةِ رَسُوْلِکَ، وَاَوْزِعْھُمْ أَنْ یَشْکُرُوا نِعْمَتَکَ الَّتِیْ أَنْعَمتَ عَلَیْھِمْ، وَأَنْ یُوْفُوْا بِعَھْدِکَ الَّذِیْ عَاھَدتَّھُمْ عَلَیْہِ، وَانْصُرْھُمْ عَلَی عَدُوِّکَ وَعَدُوِّھِمْ، اِلٰہَ الْحَقِّ، سُبْحَانَکَ، لَا اِلٰہَ غَیْرُکَ۔ اَللّٰھُمَّ انْصُرْ عَسَاکِرَ الْمُسْلِمِینَ، وَالْعَنِ الْکَفَرَةَ وَالْمُشْرِکِیْنَ، الَّذِیْنَ یُکَذِّبُوْنَ رُسُلَکَ، وَیُقَاتِلُوْنَ أَوْلِیَائَکَ۔ اَللّٰھُمَّ خَالِفْ بَیَنَ کَلِمَتِھِمْ، وَفَرِّقْ جَمْعَھُمْ، وَشَتِّتْ شَمْلَھُمْ، وَزَلْزِلْ أَقْدَامَھِمْ، وَاَلْقِ فِیْ قُلُوْبِھِمُ الرُّعْبَ، وَخُذْھُمْ أَخْذَ عَزِیْزٍ مُّقْتَدِرٍ، وَأَنْزِلْ بِھِمْ بَأْسَکَ الَّذیْ لَا تَرُدُّہ عَنِ الْقَوْمِ الْمُجْرِمِیْنَ.
۸: همدا ډول هره ورځ پر ځان او اولادونو باندي سورة فاتحه او دشفاء اياتونه ددم په ډول واياست.
ستاسو ورور: مولوي عبدالهادي حماد ۳۹ جمادي الثاني ۱۴۴۱ ه ق